Ýewropanyň futbol assosiasiýalarynyň birleşigi (UEFA) Çempionlar ligasynyň, Ýewropa ligasynyň, Konferensiýalar ligasynyň we Demirgazykamerikan Baş futbol ligasynyň (MLS) ýeňijileriniň gatnaşjak turnirini döretmek mümkinçiligine seredýär. Bu barada çarşenbe güni The Guardian britan neşiri habar berdi.
Çeşmäniň berýän habaryna görä, UEFA-nyň Superkubogynyň deregini tutjak turniriň birinji oýnuny 2024-nji ýylda geçirmek meýilleşdirilýär. Ýaryşlara degişli meseleler 22-23-nji sentýabrda Stambulda geçjek Klublaryň ýewropa assosiasiýasynyň baş assambleýasynda ara alnyp maslahatlaşylar.
UEFA-nyň Superkubogy 1972-nji ýyldan bäri geçirilýär, 1999-njy ýyla çenli oňa Ýewropa çempionlarynyň kubogynyň (häzir - Çempionlar ligasy) we 1999/00-möwsüm gutaransoň ýatyrylan Kubok eýeleriniň kubogynyň ýeňijileri gatnaşypdy. 2000-nji ýyldan bäri baýrak Çempionlar ligasynyň we Ýewropanyň ligasynyň (2009-njy ýyla çenli - UEFA-nyň kubogy) ýeňijileriniň arasynda oýnalýar. 2021/22-möwsümden bäri ýene üçünji ýewropa klub turniri - Konferensiýalar ligasy geçirilýär.
