Amazon Hindistanda howpsuzlyk kemerleriniň ildirgiçleri üçin ötürgiçleri satmagyny bes eder

  • 17.09.2022 10:59
  • 14k+

Amazon internet-ägirdi Hindistanda howpsuzlyk kemerleriniň ildirgiçleriniň ötürgiçlerini satuwdan aýrar: olar kemer ulanylmadyk ýagdaýynda duýduryjy yşaratyň işläp başlamagyny aradan aýyrmakda ulanylýarlar. Reýter agentliginiň ýazmagyna görä, bu golaýda ýerli işewürleriň biriniň ýol-ulag heläkçiliginde aradan çykmagy bilen bagly hindi häkimiýetiniň haýyşyna jogap boldy. Saýrus Mistri kemer dakynman oturan eken.

Şeýle-de Amazon howpsuz däl önümleri satuwdan aýyrmak baradaky talaby ýerine ýetirmekden gaça durýan satyjylara garşy “berk çäre” görmäge söz berdi. Ildirgiç üçin ötürgiçler 249 rupiýadan satylýardy.
Hindistanyň ulag ministri Nitin Gadkari ýurduň hökümetiniň awto öndürijileri çykarýan ulaglarynyň diňe bir öňdäki oturgyçlaryny däl, eýsem yzky diwanyny hem ildirilmedik howpsuzlyk kemerleri barada duýdurýan yşaratlar bilen üpjünlemäge borçly etmegi meýilleşdirýändigini mälim etdi.
2024-nji ýylyň ahyryna çenli Hindistan ýurduň ýollarynda öwezini dolup bolmajak ýitgi bilen gutarýan  ýol-ulag hadysalarynyň sanyny iki esse azaltmagy göz öňünde tutýar. 2021-nji ýylyň jemleri boýunça ýurtda bolup geçen ýol-ulag hadysalarynda 150 müňden gowrak adam ýogaldy. Bu her dört minutdan bir adamyň heläk bolýandygyny aňladýar.  


04.10.2025 16:30
18k+

Şah Ruh Han milliarder bolan ilkinji Bolliwudly ýyldyz boldy

Şah Ruh Han dollar milliarderleriniň sanawyna girizilen ilkinji Bolliwudly aktýor boldy. Onuň arassa baýlygy 1,4 milliard dollar hasap edilýär diýip, Hindistanyň iň baý adamlarynyň her ýyl düzülýän Hurun India Rich List 2025 sanawyna salgylanýan BBC habar berýär...

29.09.2025 14:39
3.5k+

Amazon müşderileri aldawa salandygy üçin 2,5 milliard dollar jerime tölemäge borçly edildi

Amerikanyň Federal Söwda Komissiýasy (FTC) Amazon kompaniýasyny müşderileri aldaw bilen Prime abunasyna goşandygy üçin jogapkärçilige çekdi. Netijede kompaniýa 2,5 milliard dollar möçberinde jerime tölär. Şol puluň 1 milliardy ABŞ hökümetine jerime hökmünde, 1,5 milliardy bolsa zyýan çeken müşderilere öwez tölegi hökmünde berler...

18.08.2025 19:23
9k+

Hindi ýazyjysy diňe 2114-nji ýyla ýetilende okalyp bilinjek kitaby ýazar

Meşhur hindi ýazyjysy Amitaw Goş “Geljegiň kitaphanasy” taslamasynyň 12-nji gatnaşyjysy boldy. Onuň indiki golýazmasy, 2114-nji ýyla çenli, ýagny 89 ýyllap okyjylar üçin elýeterli bolmaz diýip, The Guardian habar berýär...

06.08.2025 17:55
4.8k+

Tankytçylar “Dünýäleriň urşy” skrinlaýf-filmine 0% baha berdi

30-njy iýulda Amazon Prime akym hyzmatynda Gerbert Uellsiň “Dünýäleriň urşy” (Война миров) romany esasynda täze film çykdy. Bu “skrinlaýf” formatda düşürilen film bolup, onda ähli wakalar kompýuter we telefon ekranlarynda bolup geçýär...