Amazon MGM Studios kompaniýasy «Ýüzükleriň hökümdary: Hökmürowanlyk ýüzükleri» (Властелин колец: Кольца власти) serialynyň üçünji möwsüminiň 2026-njy ýylyň 11-nji noýabrynda Prime Video platformasynda görkezilip başlanjakdygyny habar berdi.
Şeýle-de, kompaniýa Çarli Wikerziň ýerine ýetirmeginde Tümlügiň hökümdary Sauronly kadry hödürledi. Serialyň wakalary Ortaýeriň Ikinji eýýamynda — «Hobbitiň» we «Ýüzükleriň hökümdary» trilogiýasynyň wakalaryndan has öň bolup geçýär.
Taslamanyň sýužeti Sauronyň häkimiýete gelmegine we Hökmürowanlyk ýüzükleriniň döredilmegine bagyşlanýar. Resmi beýanata görä, üçünji möwsüm tomaşaçylary ikinji möwsümiň wakalaryndan birnäçe ýyl öňe äkider. Esasy wakalar elfleriň we Sauronyň arasyndaky uruş döwründe bolar. Sauron Ortaýeri öz eline almak üçin Ählihökmürowanlyk ýüzügini döretmäge synanyşar.
Täze bölümlerde Eregionyň syndyrylmagy, elfleriň gaçyp gitmegi we Sauronyň täsiriniň has-da güýçlenmegi görkeziler diýlip garaşylýar. Wakada Elrondyň, Riwendelliň we Khazad-dumuň girdenekleriniň hem möhüm orun eýelemegi mümkin.
Amazon MGM Studios kompaniýasynyň telewideniýe ugrunyň ýolbaşçysy Piter Fridlander tomaşaçylaryň seriala bolan gyzyklanmasynyň barha artýandygyny belledi. Mundan ozal, telewideniýe taryhyndaky iň gymmat seriallaryň biri bolmagyna garamazdan, tomaşa görkezijileriniň durnuksyzlygy sebäpli taslamanyň geljegi dürli soraglary ýüze çykarypdy.
