Hyundai kompaniýasy bäş gapyly i30-yň ykbaly barada pikirlener diýip, kompaniýanyň tehniki geňeşçisi Albert Birmann Awstraliýanyň Drive neşirine mälim etdi. «Ýumşak» ssenariý boýunça çemeleşilende, i30-y modeliň ýörgünli bazarlarynda saklap galmak göz öňünde tutulýar, «bekine» tutulanda bolsa, wsedorožnigiň bähbidine heçbekden ýüz öwürmek meýilleşdirilýär.
Birmannyň sözlerine görä, heçbekleriň uly bazardaky meşhurlygy peseldi. Bu Hyundai-y i30-dan doly el çekmäge mejbur eder, ýöne häzirlikçe kompaniýa meseläni ähli bazarlar üçin birmeňzeş görnüşde çözmäge taýýar däl.
Mysal üçin, Hyundai ABŞ-da bu modeli täze wsedorožnik bilen çalşyp biler, ol ýerde heçbekler iş ýüzünde islegli ulag däl we i30-yň heniz geçginli ýurtlarynda bolsa ony galdyryp biler.
Albert Birmannyň soňkularyň hatarynda, Hindistan, Awstraliýa we Ýewropanyň beýleki käbir sebitleri bilen birlikde, modeliň Russiýanyň bazaryny birnäçe ýyl mundan öň terk edendigine garamazdan, bu ýurduň adynyň hem agzalmagy bellärliklidir.
Hyundai i30-y Toyotanyň Corolla Cross-y döretmek üçin ulanan shemasy esasynda krossowere öwürse gerek diýip, neşir çaklaýar. Emma koreýleriň bu klasda öz modeli bar — Hyundai Kona. Kompaniýanyň öňünde içerki bäsdeşligiň meselesini çözmek hem durýar. Şonuň bilen birlikde, Awstraliýanyň özünde hem soňky 10 ýylyň içinde ykjam heçbekleriň bazardaky paýy 23%-den 8,5%-e çenli kemeldi.
