Düýn, 13-nji sentýabrda Nýu-Ýorkda Birleşen Milletler Guramasynyň Baş Assambleýasynyň 77-nji sessiýasy öz işine başlady. TASS agentliginiň habar bermegine görä, sessiýany BMG-niň Baş sekretary Antoniu Guterriş we sessiýanyň başlygy wengriýaly diplomat Çaba Kýorýoşi açdy.
Diplomatlar gün terbini, mejlisleriň rejesini, wekiliýetleriň ygtyýarlyklaryny tassyklarlar we işjeň komitetleri düzerler. Bir ýyllap dowam etjek täze sessiýanyň gün tertibi öz içine esasy halkara sýužetleri, şol sanda howanyň üýtgemegini, koronawirus we beýleki ýokançlara garşy göreşi, durnukly ösüş meselelerini, ösüp barýan ýurtlaryň bergilerini, häzirki bar bolan dawalary alýar.
Ýokary derejedäki hepdelik 20-26-njy sentýabrda geçiriler. Oňa döwlet, Hökümet Baştutanlary, dürli ýurtlaryň daşary işler ministrleri gatnaşar. Hepdeligiň çäklerinde onlarça ikitaraplaýyn we köptaraplaýyn duşuşyklar geçiriler.
