Ýelizaweta II-niň ogly Karl III resmi taýdan Beýik Britaniýanyň patyşasy boldy. Bu barada TASS-a salgylanyp, lenta.ru habar berýär.
Tagtyň tabşyrylmak prosesi şenbe güni, 10-njy sentýabrda Londondaky Sent-Jeýms köşgüniň tagt mirasçylygy geňeşinde geçirildi. Adatça, bu proses öňki hökümdar aradan çykandan soň bir günüň dowamynda alnyp barylýar, ýöne Ýelizaweta II-niň aradan çykandygy agşam belli bolansoň, bu gezek ýygnak yza süýşürildi.
Geçen dabara resmi konstitusion zerurlyk bolup durýar, sebäbi Karl III ejesiniň ölüminden soň göni patyşa boldy. Iňlis adaty şa häkimiýetiniň dowamlylygyny üpjün edip, ýurtda hatda bir minut hem monarhyň bolmazlygyna ýol bermeýär. Şu gün Britaniýanyň birnäçe ýokary wezipeli adamlary ony resmi taýdan patyşa diýip yglan edýän jarnama gol çekdiler.
Ýelizaweta II-niň 96 ýaşynda aradan çykandygy penşenbe güni, 8-nji sentýabrda belli boldy. Onuň aradan çykmagy bilen baglylykda Britaniýada 10 günlük umumymilli ýas yglan edildi.
