USB Promoter Group-yň işläp taýýarlaýjylary USB4 standartynyň 2.0 wersiýasyna çenli täzelenjekdigini bildiriş etdiler. Onda USB Type-C boýunça maglumatlaryň geçiş tizliginiň 80 Gbit/s-e çenli ýokarlanmagyna garaşylýar. Bu birinji wersiýasynyň görkezijisinden we Thunderbolt 4-iň geçirijilik ukybynyň derejesinden iki esse ýokarydyr.
Şeýle hem USB Type-C-iň we USB Power Delivery-niň spesifikasiýasyny täzelemegi wada edýärler. Täze spesifikasiýalaryň güýzde, çen bilen noýabrda çap edilmegine garaşylýar.
“Öňden däp bolşuna görä, USB4-iň täzelenen spesifikasiýasy maglumatlary geçirmegiň goýberiş ukybynyň iki esse artdyrylmagyny göz öňünde tutýar. Bu bolsa USB Type-C-niň ekoulgamynyň işleýşiniň has ýokarrak derejesini üpjün edýär. Tizligiň ýokarlanmagy hasam displeýleriň, maglumatlary saklaýan gurluşlaryň, şeýle hem hablaryň we USB-niň bazasyndaky dok-stansiýalaryň bähbidine bolar” – diýip, USB Promoter Group toparynyň başlygy Bred Sonders (Brad Saunders) mälim etdi.
Täze spesifikasiýa USB Type-C-iň 40 Gbit/s tizlikli eýýäm bar bolan passiw kabelleri bilen tersine ylalaşyjylygy goldar we 80 Gbit/s tizlikde täze aktiw kabeller bilen işläp biler. Şonda 20 Gbit/s-den gowrak tizlikli USB 3.2-niň goldawy, DisplayPort we Pcle-niň täzelenişi mälim edildi. Onuň daşyndan, spesifikasiýa eýýäm könelişen USB 2.0-y we Thunderbolt 3-i hem goldar.
Geljekde ulanyjylara bilelikdäki gurluşy we kabeli tapmaga mümkinçilik berjek markirowkany teklip etmek meýilleşdirilýär.
