Londonyň «Çelsi» kluby Angliýanyň Premýer-ligasynyň klublarynyň arasynda täze futbolçylary almak üçin harçlan puly boýunça möwsümaranyň rekordyny goýdy diýip, Sky Sports habar berýär.
Neşiriň berýän maglumatyna görä, «Çelsi» jemi bahasy 322 mln ýewrolyk oýunçylary satyn alypdyr. Bu klubuň bir transfer penjiresi üçin edýän çykdajysyna degişli rekord puldur.
1-nji sentýabrda giç agşam klub hüjümçi Pýer-Emerik Obameýanganyň «Barselonadan» özlerine geçýändigini mälim etdi.
33 ýaşly futbolçy iki ýyllyk şertnama goluny goýdy. Ol londonly toparyň düzümine gelen altynjy täze oýunçy boldy.
