«Barselonanyň» hüjümçisi Pýer-Emerik Obameýang «Çelsä» geçdi. Bu barada londonly klubuň resmi saýtynda habar berildi.
«Men diýseň bagtly. Bu klubuň bir bölegi bolmak meniň üçin uly mertebe. «Çelsiniň» düzüminde çykyşa başlamaga örän howlugýan. Premýer-ligada tamamlanmadyk işlerim bar, şonuň üçin bu ýere dolanmak örän ýakymly hem tolgundyryjy» - diýip, Obameýangyň sözlerini klubuň metbugat gullugy getirýär.
33 ýaşly hüjümçi transfer möwsümi ýapylmazdan öň «Çelsi» bilen iki ýyllyk şertnama baglanyşdy we tomusky transfer möwsüminde klubuň täze alan altyn futbolçysy boldy.
Ýatlatsak, Obameýang «Barselona» 2022-nji ýylyň ýanwarynda erkin agent hökmünde geçdi. Angliýada ol 2018-nji ýylyň ýanwaryndan bäri «Arsenalda» çykyş edýärdi. «Barselonanyň» düzüminde hüjümçi 24 oýunda 13 gol geçirdi we bir sany netijeli geçirim etdi.
