Ýewropada işsizligiň iň ýokary derejesi Gresiýada we Ispaniýada hasaba alyndy – degişlilikde, 12,7% we 13,3%. Bu barada RIA Nowosti agentligine salgylanyp, lenta.ru habar berýär.
Ýewropanyň bu ýurtlary Ýewropa Bileleşiginde esasy “işsiz” ýurtlar diýlip atlandyryldy. Bellenilişi ýaly, häzirki wagtda Gresiýada syýahatçylyk möwsümi möwç alýar, emma hyzmat edýän işgärler ýetmezçilik edýär. Bu grekleriň köpüsiniň gaýtadan hünär almak islegleri bilen baglanyşyklydyr. Mundan başga-da, ýaşlar ýurtdaky zähmet haklaryndan nägile bolýarlar we öz geljegini Gresiýa bilen baglanyşdyrmaýarlar.
Ýurtda elektrik, gaz, benzin we azyk önümleri üçin bahalar hem ýokarlanýar.
Ispaniýada ýokary hünärler bilen baglanyşykly boş iş orunlaryny hödürlemekde meseleler ýüze çykýar. Şol bir wagtyň özünde, greklerden tapawutlylykda ispaniýalylar başga bir ýurda göçmek islemeýärler, ýöne ýurduň içinde ýygy-ýygydan hereket edýärler: günortadaky ispaniýalylar demirgazyga, demirgazykdakylar – günorta.
Madridiň ýaşaýjysy Huan häkimiýetleriň işsizlik meselesini çözmäge synanyşýandygyny nygtaýar. Ispaniýada raýatlara döwlet boş iş orunlary barada gürrüň berýän zähmet biržasynyň analoglary işleýär.
