Toyota bZ3 elektrosedanyny çykarmaga taýýarlanýar

  • 29.08.2022 12:22
  • 12k+

Toyota kompaniýasy e-TNGA modul platformasynda gurlan täze elektrosedany bilen tanyşdyrdy. Gürrüňi edilýän bZ3 modelidir. Onuň birinji satyljak ýeri Hytaý bazarydyr. Bu barada Awtorewýu neşiri habar berdi.

Neşiriň habar bermegine görä, Toyota bZ3 modeli Hytaýyň BYD we FAW kompaniýalary bilen bilelikde öndüriler. Ulag häzirki Corolla-dan ulurak, teker bazasy boýunça bolsa elektromobil Camry-niň has ulurak modelinden öňe geçdi.
Toyotanyň elektromotorlaryny we litiý-demir-fosfatly çekiji akkumulýatorlaryny Hytaýyň BYD-sy üpjün eder. Ulagyň herekete getirijisi yzda bolar. Häzirlikçe iki wersiýasy sertifisirlendi: hereketlendirijisiniň kuwwaty 184 ýa-da 245 at güýjüne deň bolanlary.
Çekiji batareýalarynyň sygymy heniz mälim edilenok, ýöne şaýy tutulan elektromobilleriň agramy belli: degişlilikde 1710 kg we 1835 kg. Aňrybaş tizligi 160 km/s bilen çäklendirilen.
Hytaýda bZ3 modeliniň önümçiligi bilen Toyotanyň hyzmatdaşy bolan FAW konserni meşgullanar. Täze elektromobil FAW-Toýota bilelikdäki kärhananyň konweýerinde peýda bolar. 


düýn 14:00
6.1k+

Toyota düýbünden täze benzin hereketlendirijilerini hödürledi: öňküden ýeňil hem kuwwatly

Toyota zyňyndylary azaltmaklyga we kuwwatyny ýitirmezden, ýangyç tygşytlylygyny ýokarlandyrmaklyga gönükdirilip döredilen benzin hereketlendirijileriniň täze maşgalasyny hödürledi. Bu işläp taýýarlama entek doly elektrikli ulaglara geçmäge taýyn bolmadyk sürüjilere niýetlenendir...

08.07.2025 17:44
4.1k+

Xiaomi YU7 krossowerine nobat 62 hepdä çekýär

Xiaomi kompaniýasy özüniň ikinji modeli bolan YU7 elektrokrossoweriniň ibermelerine başlady. Ilkinji awtoulaglar Hytaýyň 58 şäherindäki eýelerine gowşuryldy. Emma ýokary isleg we önümçilik kuwwatynyň çäklidigi sebäpli, bu ulagyň esasy görnüşi üçin garaşmaly wagt 62 hepdä ýetdi diýip, «Cnevpost» habar berýär...

06.07.2025 20:08
8.8k+

Täzelenen Toyota HiLux ilkinji gezek rozetkadan zarýad alýan görnüşde we 8 basgançakly karobka bilen çykar

Toyota kompaniýasy HiLux pikabynyň täze plagin gibrid (PHEV) wersiýasyny taýýarlaýar. Ýapon çeşmeleriň ýazmagyna görä, bu modeliň elektrikleşdirilmegine gönükdirilen ilkinji ädim bolar we Ford Ranger PHEV hem-de BYD Shark 6 ýaly bäsdeşlere gönüden-göni jogap hökmünde çykarylar...

06.07.2025 15:41
3.3k+

Tesla-nyň satuwy 13% pese gaçdy, kompaniýa kyn döwri başdan geçirýär

2025-nji ýylyň ikinji çärýeginde Tesla 384 122 awtomobil satdy, bu bir ýyl ozalkydan 13% azdyr. Kompaniýa yzygider ikinji çärýek satuwyň pese gaçmagy bilen ýüzbe-ýüz bolar. Ösüşe gaýdyp gelmek üçin, kompaniýa ýylyň ikinji ýarymynda tas 110 000 ulag artyk satmaly diýip, Bloomberg ýazýar...