Xiaomi kompaniýasy smartfonlaryň bazarynda islegiň peselmegi bilen mese-mälim zyýan çekdi. Kompaniýanyň soňky maliýe hasabatyndan görnüşi ýaly, onuň arassa girdejisi görlüp-eşidilmedik 83%, 204 mln dollara çenli pese gaçdy. Bu hatda kompaniýanyň öz çaklamasyndanam pes boldy. Şu ýagdaýda düşewindiň peselişi ondan esli ganymat boldy: 20%, 10,3 mlrd dollara çenli, bu köp däl, ýöne çaklamalardan ýokary.
Geçen çärýekde Hytaýda Xiaomi smartfonlarynyň üpjün edilişi 22% pese gaçdy, şonda ol ýeriň tutuş bazary 14,7% kemeldi. Xiaomi-niň pese düşmegi bazaryň öňdebaryjylarynyň arasynda hasam gowy duýuldy. Xiaomi Hindistanda hem urga sezewar boldy. Ol ýerde hökümet hytaýly smartfon öndürijileriň bahasy 150 dollardan aşak bolan gurluşynyň satylmagyna gadaganlyk girizmek kararyna geldi. Dogry, bu entek Xiaomi-niň söwdasyna zyýanyny ýetirmäge ýetişmedi.
