ABŞ-nyň Aeronawtika we älem giňişliginiň barlagy boýunça milli müdirligi (NASA) ABŞ-nyň Artemis ("Artemida") Aý maksatnamasynyň çäklerinde 2025-nji ýylda Aýyň Günorta polýusynda astronawtlary düşürmek üçin bellenen 13 ýeriň sanawyny köpçülige ýetirdi.
NASA-nyň saýtyndaky habara görä, Starship HLS raketasyny düşürmäge mümkinçilik bolan ýerler hökmünde şu aşakdaky ýerleri saýlady:
Şeklton krateriniň ýanyndaky belentlik, Faustini krateriniň gyrasy, De Gerlah krateriniň iki gyrasy, Şeklton we de Gerlah kraterlerini bireşdirýän dag gerşi we oňa ýanaşyk ýer, Hauort krateri, Nobile krateriniň gyralary, Amundsen krateriniň gyrasy, Leýbnis Beta belentligi, de Gerlah-Kohera we Malaperta giňişlikleri.
Amerikanyň kosmos pudagynyň maglumatlary boýunça, saýlanan ýerleriň her biriniň meýdany 15x15 km. "Saýlananlaryň" ählisi Aýyň günorta polýusyndan alty gradus giňişligiň çäklerinde ýerleşendir we dürli geologik aýratynlyklara eýedir.
Astronawtlary düşürjek Starship HLS raketasy Artemis 3 missiýasynyň uçuşynyň ähli mümkin bolan wariantlarynyň çäklerinde olaryň haýsy bolsa-da birine gonup biler.
