Milli aeronawtika we kosmos giňişligini öwrenmek boýunça edara (NASA) sişenbe güni ägirt uly Space Launch System Aý raketasyny uçuş meýdançasyna daşamaga başlar. Raketanyň ilkinji synag uçuşy awgust aýynyň ahyrynda bolmaly diýip, “Golos Ameriki” habar berýär. Muny forbes.kz ýetirýär.
Beýikligi 98 metr bolan raketa 29-njy awgustda adam gatnaşmazdan özüniň ilkinji kosmos uçuşyna başlar. Bu möhüm uçuş birnäçe wagt bäri soňa goýulýardy. NASA raketany Aýa “Artemida” programmasynyň – Birleşen Ştatlaryň geljekde missiýalary Marsda ýerine ýetirmek üçin tejribe ediner ýaly adamlary Aýa eltmäge synanyşygynyň çäklerinde uçurýar.
Soňky on ýylda Boeing kompaniýasynyň ýolbaşçylyk etmeginde işlenip düzülen Space Launch System ýerli wagt bilen sagat 9 töweregi Floridadaky Kennedi adyndaky kosmos merkeziniň gurnama sehinden çykarylyp, uçuş meýdançasyna tarap 6 km ýoly başlamaly. Sagatda 1,6 km tizlik bilen hereket edende, gurnama, takmynan, 11 sagat wagt alýar.
Raketanyň depesinde Lockheed Martin kompaniýasy tarapyndan gurlan astronawtlar üçin Orion moduly ýerleşýär. Raketa kosmosa çykandan soň Orion ondan aýrylyp, adamlary Aý orbitasyna eltmeli we astronawtlary Aýyň üstüne eltjek beýleki kosmos gämisi bilen birleşmeli.
29-njy awgustda başlajak “Artemida-1” missiýasynyň çäklerinde kapsulda ekipaž bolmaz. Orion-yň Aýyň orbitasyna baryp, 42 günden Ýere gaýdyp gelmegi meýilleşdirilýär.
