Apple amerikan kompaniýasy geçen hepde şertnama esasynda işleýän 100 töweregi işgärini işden çykardy. Bu barada çeşmelere salgylanyp, Bloomberg agentligi habar berdi. Muny TASS ýetirýär.
Agentligiň bellemegine görä, işden çykarylan işgärler korporasiýa üçin täze işgärleri saýlamak bilen meşgullanýardy. Apple-iň işden çykarylmaga sezewar bolan işgärlerine munuň häzirki biznes zerurlyklaryndaky üýtgeşmeler bilen baglanyşyklydygy habar berildi.
Iýul aýynda Bloomberg korporasiýanyň mümkin bolan ykdysady çökgünlik sebäpli 2023-nji ýylda täze işgärleriň işe alynmagyny azaltmagy meýilleşdirýändigini habar berdi. Şeýle-de, kompaniýa 2023-nji ýylda zähmet haklary üçin çykdajylary azaltmakçy bolýar, ýöne bu gelnen netije diňe belli bir bölümçelere degişli bolar.
