2025-nji ýylda BMW we Toyota wodorod ýangyçly awtoulaglary bilelikde çykaryp biler

  • 16.08.2022 08:08
  • 14k+

2025-nji ýylda BMW bilen Toyota bilelikde işlenip düzülen wodorod ýangyç elementlerinde işleýän modelleriň satuwyna başlamakçy bolýar. Bu barada BMW-niň satuw bölüminiň ýolbaşçysy Poter Nota “Nikkei” gazetine beren interwýusynda aýtdy diýip, 3dnews.ru belleýär.

Notanyň aýtmagyna görä, wodorod ýangyjynda işleýän transportyň tehnologiýasy uly ýolsuz ýerden ýöremäge ukyply ulaglar üçin has derwaýysdyr, üstesine-de BMW-niň arsenalynda eýýäm iX5 Hydrogen konsepti bolup, onuň kiçi tapgyrlaýyn önümçiligi şu ýylyň ahyrynda başlar. BMW bilen Toyota ekologiýa taýdan arassa ulag serişdelerini işläp taýýarlamak boýunça birleşigi 2013-nji ýylda döretdi we bilelikdäki taslamanyň üstünde azyndan 2020-nji ýyla çenli işlemegi meýilleşdirdi.
Häzirki wagtda içerki ýangyç hereketlendirijili ulaglara iň meşhur alternatiwa elektromobiller hasaplanýar, şeýle-de bolsa Nota wodorod ýangyjynda işleýän awtomobilleriň peýdasyna birnäçe delil getirdi. Olardan esasysy – bu, elbetde, elektromobiller bilen bagly ýagdaýda ep-esli wagt talap edýän zarýad bermedir, ýangyç guýmak bolsa bary-ýogy birnäçe minut dowam edýär. Şeýle-de, top-menejer BMW-niň diňe bir tehnologiýany ösdürmek islemeýändigini hem-de häzirki komponentleriň ýetmezçiliginiň elektromobillere garanyňda wodorod transporty segmentine az täsir edendigini belledi.
Şeýle-de bolsa, Bawariýada elektromobilleriň önümçiligi çaltlaşar. Eýýäm häzirki günde olar BMW-niň satuwynda ep-esli paý aldylar, 50% bellige bolsa olar 2030-njy ýyla bellenilen möhletden bir ýa-da iki ýyl öň ýeterler. Bu Mini we Rolls-Royce ýaly topara girýän beýleki brendlere hem degişli bolar.


düýn 11:32
6.2k+

Toyota bahasy 64 müň dollardan başlaýan Sequoia 2026 wnedorožnigini tanyşdyrdy

Toyota 2026-njy model ýylynyň täzelenen doly derejeli Sequoia wnedorožnigini görkezdi. Esasy wersiýasynyň bahasy 1600 dollar ýokarlandy we indi 64 025 dollar boldy. Munuň öwezine model has köp premial enjamlary aldy...

23.07.2025 07:24
11k+

BMW X5-iň täze nesli iDrive X standart we 600 at güýçli gibrid bolar

BMW X5-iň täze neslini çykarmaga taýynlanýar. Onuň ilkinji görkezilişi 2026-njy ýylyň mart aýynda bolar, satuwlar güýzde başlar. Bäşinji nesil modeliň taryhynda tehnologik taýdan iň öseni bolar diýip, Motor.es habar berýär...

21.07.2025 18:30
5k+

BMW 108 ýyllygyny belleýär

2025-nji ýylyň 21-nji iýulynda BMW-niň döredilenine 108 ýyl bolýar – kompaniýa 1917-nji ýylda Bayerische Motoren Werke ady bilen hasaba alyndy. Häzirki günde BMW brendi kämilligiň, ýokary derejäniň we sürmekden lezzetiň nyşany bolmagynda galýar...

19.07.2025 14:20
5.7k+

Täze BMW Neue Klasse Hytaýda ýerli Momenta-dan awtopilot alar

BMW konserni Hytaýyň şertlerine uýgunlaşdyrylan elektrik ulaglary bolan Neue Klasse maşgalasy üçin ýarym awtonom dolandyryş ulgamyny işläp taýýarlajak Hytaýyň Momenta başlangyjy bilen şertnama baglaşdy. Hytaýda modelleriň satuwy 2026-njy ýylda başlamaly diýip, Tencent News neşiri habar berýär...