Amerikan tehnologiýa korporasiýasy Microsoft täze işgärleriň işe kabul edilmeginiň togtadylmagy netijesinde ýüzlerçe potratçysy bilen hyzmatdaşlygy bes edýär. Bu barada Business Insider portaly çeşmelere salgylanyp habar berýär. Muny TASS ýetirýär.
Onuň maglumatlaryna görä, kompaniýa potratçy firmalaryň işgärlerine olar bilen şertnamalaryň eýýäm şu anna güni ýatyryljakdygyny habar berdi. Şol bir wagtyň özünde firmanyň işgärleri kömek puluny almazlar, sebäbi olar Microsoft bilen ýakyndan baglanyşykly bolsalar-da, resmi taýdan bu kompaniýanyň işgärleri däldir. Çeşmeleriň bellemegine görä, ol şertnamanyň hereket ediş möhletiniň tamamlanmagyna näçe wagtyň galandygyna garamazdan hyzmatdaşlygy bes edýär.
Kompaniýa bu babatda teswir bermedi.
Iýul aýynda Microsoft işgärlerini azaltjakdygyny we täze işgärleriň işe kabul ediliş depginini haýallatjakdygyny habar berdi. Mundan başga-da, korporasiýa Russiýanyň bazaryndan gitmek karary sebäpli 2022-nji ýylyň ikinji çärýeginde $126 mln möçberinde operasion çykdajylar bilen ýüzbe-ýüz boldy.
