"Discovery+" kompaniýasy Şa zenany Diananyň ölümi barada gürrüň berýän "Diana barada derňew: Pariždäki ölüm" atly täze dokumental serialy düşürdi. Ol bary-ýogy dört bölümden ybarat bolar. Bu barada "Independent" neşirine salgylanyp, gazeta.ru ýazýar.
Täze serialy döredijiler wakanyň yzygiderliligini dikeltmäge we Şa zenany Diananyň ölümi baradaky derňewe öz bahalandyrmasyny bermäge çalyşýarlar. Taslama awtoheläkçiligiň yz ýanyndaky, ýagny 1997-nji ýylda hem-de 2004-nji ýylda pariž polisiýasynyň heläkçiligi özbaşdak öwrenmäge başlan wagtyndaky resmi derňewlere bagyşlanýar.
Efirde derňewleriň ikisine-de gatnaşan derňewçileriň interwýulary görkeziler, olaryň käbiri jemgyýetçiligiň öňünde ilkinji gezek çykyş ederler. Serial režissýorlar Uill Jessop we Barnabi Pell tarapyndan "Sandpaper Filmsiň" studiýasynda düşürildi. Olar mundan ozal Diananyň ölüminden soňky hepdä bagyşlanan "Diana, 7 gün" atly filmi hem döredipdiler.
Şa zenany Diana 1997-nji ýylyň 31-nji awgustynda Parižde bolup geçen ulag heläkçiliginde aradan çykanda 36 ýaşyndady. Geçen onýyllyklaryň dowamynda onuň dildüwşik esasynda öldürilendigi hakyndaky çaklamalar has artykmaçlyk etdi.
