Derman gerdejigini ýuwdandan soň, adamyň synasyny nähili tutuşyna baglylykda, dermanyň aşgazanda ereýşiniň tizliginiň 83 göterim ýokarlanyp ýa peselip bilýändigini amerikaly fizikler ýüze çykardylar. Bu iş Physics of Fluids žurnalynda çap boldy. Bu barada sişenbe güni Amerikanyň fizika institutynyň (AIP) metbugat gullugy habar berdi.
Aýratynam, dermany ýuwdandan soň, adam bedenini saga gyşartsa, gerdejigiň ereýşiniň we birbada onuň iýmit siňdiriş ulgamyndaky hereketiniň tizleşýändigini alymlar anykladylar. Beýleki tarapdan, çepe gyşarmak dermanyň molekulalarynyň boşaýşyny birden haýalladypdyr. Bedeni 45 gradus yza gaýşartsaň, dermanyň ereýşi tizleşipdir, ýöne onuň tizligi saga gyşaranyňkyça bolmandyr.
Barlagyň maglumatlaryna görä, synany saga ýa-da çepe gyşartmak gerdejikleriň ereýşini 83% çaltlaşdyrypdyr ýa-da haýalladypdyr. Aşgazanyň götermeýän ýa-da bedeniň juda gysga wagtda özleşdirmeli dermanlary işlenip taýýarlananda bu ýagdaýy göz öňünde tutmak möhümdir diýip, Baltimordaky (ABŞ) Jon Gopkins uniwersitetiniň professory Rajat Mittal we onuň kärdeşleri netije çykarýarlar.
