Angliýanyň futbol boýunça zenanlar ýygyndysy final duşuşygynda Germaniýanyň milli ýygyndysyny ýeňip, taryhda ilkinji gezek Ýewropa çempionatynyň ýeňijisi boldy.
Duşuşyk Londonyň «Uembli» stadionynda geçirilip, goşmaça wagtda 2:1 hasabynda tamamlandy. Angliýanyň milli ýygyndysynyň düzüminde gollary Ella Tun (62-nji minut) we Kloi Kelli (111) geçirdi. Germaniýadan Lina Magull (79) tapawutlandy.
Ýaryşyň iň gowy bombardiri 6 gol we 5 sany ýardam pasyny geçiren Bet Mid boldy. Final duşuşygynyň iň gowy oýunçysy Angliýanyň ýarym goragçysy Kira Uolş boldy.
