Amerikan awtoöndürijisi General Motors (GM) 2022-nji ýylyň ikinji çärýeginde arassa girdejisini 40% azaltdy, şol bir wagtyň özünde düzedilen görkeziji bazaryň garaşanyny ödemedi. Bu barada interfax.ru habar berýär.
Aprel – iýun aýlarynda kompaniýanyň arassa girdejisi bir ýyl ozalky 2,836 mlrd dollar ýa-da paý üçin 1,9 dollar bilen deňeşdirilende, 1,692 mlrd dollara ýa-da paý üçin 1,14 dollara çenli azaldy. Bir gezeklik faktorlary hasaba almazdan düşewünt 2021-nji ýylyň degişli döwründäki 1,97 dollara garşy paý üçin 1,14 dollar boldy.
Girdeji geçen ýylyň degişli döwründäki 34,167 mlrd dollar bilen deňeşdirilende 35,759 mlrd dollara çenli artdy. FactSet tarapyndan sorag edilen analitikler GM-iň girdejisiniň ortaça 33,185 mlrd dollar, düzedilen düşewündiň paý üçin 1,33 dollar bolmagyny çaklapdylar.
Kompaniýa 2022-nji ýyl üçin çaklamasyny tassyklady. Onuň hasabyna görä, şu ýyl GM-iň arassa girdejisi 9,6-11,2 mlrd dollar, paý hasabynda düşewünt 5,76-6,76 dollar, paý hasabynda düzedilen düşewünt 6,5-7,5 dollar bolar.
Analitikler arassa girdejiniň ýylyň jemi boýunça paý üçin 6,89 dollar bolmagyna garaşýarlar.
2022-nji ýylyň başyndan bäri GM-iň kapitallaşdyrmasy 41% azalyp, 50,56 mlrd dollar boldy, S&P 500 indeksi bu döwürde 17%-i ýitirdi.
