Ýewropanyň Airbus SE aerokosmiki korporasiýasy 2022-nji ýylyň ikinji çärýeginde arassa gidejisiniň birden kemelendigini hasaba aldy we üstümizdäki ýylyň başyndan bäri onuň uçarlar bilen üpjün edijiligi ýaramazlaşdy diýip, Interfaks ýazýar.
Aprel-iýun aýlarynda Airbus-yň arassa girdejisi 682 mln ýewro boldy, emma geçen ýylyň degişli döwründe şol görkeziji 1,87 mlrd ýewrody.
EBIT-iň täzelenen görkezijisi 31%, ýagny 1,38 mlrd ýewro çenli pese gaçdy.
Kompaniýanyň düşewündi 10% azaldy we 12,81 mlrd ýewro boldy.
Kompaniýanyň öz düzen konsensus-çaklamasyna laýyklykda, seljerijiler düşewünt 13,7 mlrd ýewro bolanda, EBIT-iň üýtgän görkezijisi 1,33 mlrd ýewro möçberinde bolar diýip garaşypdylar.
Indi Airbus şu ýyl müşderilerine 700 kommersiýa uçaryny goýbermegi göz öňünde tutýar, öňki aýdylyşyna görä 720 uçar goýbermelidi. Şonda EBIT-iň ýyllyk çaklanýan üýtgän görkezijisi 5,5 mlrd ýewro derejesinde bolar diýip tassyklandy.
Birinji ýarymýyllykda Airbus müşderilerine 297 kommersiýa uçaryny goýberdi, bu bir ýyl mundan öňki görkeziji bilen des-deňdir.
Ýylyň başyndan bäri Airbus-yň kapitalizasiýasy 5,5%, 82,67 mlrd ýewro çenli peseldi.
