Hytaý maýmyn mamasynyň serhetden getirilmeginiň öňüni almak boýunça çäreleri girizýär

  • 25.07.2022 18:52
  • 23k+

Hytaý häkimiýetleri maýmyn mamasynyň serhetden geçýän adamlar tarapyndan ýurda getirilmeginiň öňüni almak boýunça çäreleriň girizilýändigi barada mälim etdiler, onuň çäklerinde serhetden geçýän adamlar alamatlar bolan ýagdaýynda bu barada döwlet edaralaryna habar bermeli bolar. Bu barada HHR-iň Baş gümrük edarasy habar berdi diýip, TASS belleýär.

“Bu keseliň alamatlary bolan adamlar serhetden geçenlerinde bu barada Hytaýyň häkimiýetine habar bermelidirler. HHR-iň gümrükhanasynyň epidemiologiki gullugynyň işgärleri kesgitlenen düzgünlere laýyklykda zerur çäreleri görerler we seljermek üçin nusga alarlar” – diýlip, ýaýradylan beýanda aýdylýar.

Resminamada bellenilişi ýaly, Hytaýyň serhedinden geçen ulag serişdesiniň bortunda kesel degen adamyň bardygyna şübhe dörän ýagdaýynda ähli ýolagçylar, olaryň goşlary we ýükleri ýörite barlagdan geçmeli. Täze gözegçilik çäreleri geljek alty aýyň dowamynda hereket eder.

“Şeýle hereketler maýmyn mamasynyň HHR-e ýaýramagyna ýol bermezlik üçin serhetden geçýänleriň saglygyny we howpsuzlygyny üpjün etmäge gönükdirilendir” – diýlip, beýanda bellenilýär.


23.05.2025 11:44
3.8k+

Hytaýyň dermany rak keseliniň üç görnüşine garşy göreşmekde oňyn netijeleri görkezdi

Hytaýyň Gonkong uniwersitetiniň barlagçylary D3S-001 dermanynyň kliniki synaglarynyň birinji tapgyryny tamamladylar. Derman ownuk däl öýjükli öýken, kolorektal we KRAS-G12C mutasiýaly aşgazan asty mäziniň çişlerini (rak keseli) bejermek üçin niýetlenendir diýip, South China Morning Post habar berýär...

16.04.2025 18:42
9k+

Hytaýda bir çaga magnit lewitasiýaly örän ýeňil ýürek oturdyldy

Uhandaky Tunszi lukmançylyk kollejiniň ýanyndaky Bileleşik hassahanasynyň lukmanlary özboluşly operasiýa geçirdi. Olar ýedi ýaşly çaga magnit lewitasiýaly emeli ýüregi oturtdy. Bu ýüregiň agramy bary-ýogy 45 gram bolup, diametri 2,9 sm ýetýär...

29.03.2025 06:34
10k+

Hytaýda ilkinji gezek adama doňzuň bagry oturdyldy

Hytaýda dünýäde ilkinji gezek genetiki taýdan üýtgedilen doňuz bagryny adama oturtmak operasiýasy amala aşyryldy. Bu synag baradaky hasabat Nature žurnalynda çap edildi. Bu operasiýa geçen ýylyň mart aýynda edilipdi...

30.12.2024 23:06
6.5k+

Hytaýda rak keseliniň gaýtalanmagynyň öňüni almak üçin nanowaksina öndürildi

Hytaýly alymlar rak keseliniň gaýtalanmagynyň öňüni alyp biljek synag nanowkasinasyny hödürlediler. Dermanyň netijeliligi haýwanlarda geçirilen laboratoriýa synaglarynda tassyklandy diýip, Phys.org ýazýar. Hytaýyň...