Sişenbe güni Beýik Britaniýada gözegçilikleriň tutuş taryhynyň dowamynda howanyň iň ýokary temperaturasy bellige alyndy diýip, britan habar beriş serişdeleri ýazýar.
Olaryň berýän maglumatlaryna görä, Londonyň Hitrou howa menziliniň töwereginde termometriň sütünjigi Selsiýa boýunça 40,2 derejä galypdyr.
Beýik Britaniýada ondan öňki bellige alnan temperatura rekordy Selsiýa boýunça 38,7 derejäni görkezýär eken: ony 2019-njy ýylda Kembrij uniwersitetiniň Botanika bagynda hasaba alypdyrlar.
Şonuň bilen birlikde, Britaniýanyň howa maglumaty gullugynyň habaryna görä, sişenbe güni biraz gijräk käbir etraplarda howanyň temperaturasy Selsiýa boýunça + 41 derejä çenli galmagy mümkin diýip çaklanypdyr.
Adatdan daşary yssy sebäpli Beýik Britaniýada otlularyň hereketinde bökdençlik döredi, birnäçe demir ýol liniýalary we awtomagistrallar ýapyldy.
