Hüjümçi Rahim Sterling «Mançester Sitiden» Londonyň «Çelsisine» geçdi diýip, klubuň resmi saýtynda habar berilýär.
Angliýanyň ýygyndysynyň 27 ýaşly futbolçysy bäş ýyllyk şertnama gol çekişdi.
Transferiň bahasy heniz köpçülige ýetirilmedi.
«Rahim Sterlingiň şertnama gol çekişmegi - biziň düzümimiziň güýçlenmegi üçin möhüm ädim boldy. Biz Rahimiň "Çelsi" bilen Londona gaýdyp gelendigine begenýäris we onuň "Stemford Brijde" ("Çelsiniň" stadiony) boljak ýokary derejeli oýnuny görmäge howlugýarys» - diýip, klubuň metbugat gullugy şärikdeş eýesi Todd Bouliniň sözlerini getirýär.
Sterling "Sitidekä" 337 oýunda oýnap, 131 gol geçirdi we 94 gezek netijeli pas berdi.
