Ýewropa Bileleşiginiň ýurtlarynyň umumy ilat sany geçen ýylyň ýanwar aýyndaky 447 mln adamdan 2022-nji ýylyň ýanwar aýynda 446,8 mln adama çenli azaldy. Şeýle azalma bassyr ikinji ýyl dowam edýär diýip, Ýewrostat statistika agentligi habar berýär. Muny TASS ýetirýär.
Gözlegçiler munuň esasy sebäbiniň dogulýanlaryň we migrasiýanyň sanyndan ölüm sanynyň ýokary bolmagydygyny belleýärler. Awtorlar şeýle dinamikanyň koronawirus epidemiýasynyň netijeleri bilen baglanyşyklydygyny aýdýarlar.
Agentligiň habarynda ÝB-de ilat sanynyň umumy azalandygyna garamazdan, bu tendensiýanyň ähli ýurtda hasaba alynmandygy bellenilýär. Ilat sanynyň iň uly azalmasy Italiýada (-253,1 müň), iň pes azalmasy Sloweniýada (-1,8 müň) hasaba alyndy. Şol bir wagtyň özünde ýaşaýjylaryň sany 17 ýurtda artdy, Fransiýada bu görkeziji has ýokary (185,9 müň), Estoniýada pes boldy (1,7 müň).
Hünärmenler uzak döwrüň dowamynda ÝB-niň ilatynyň 1960-njy ýyldaky 354,5 mln adamdan 2022-nji ýylyň 1-nji ýanwaryna çenli 446,8 mln adama ýetendigini, ýagny 92,3 mln adam artandygyny belleýärler. Şeýle-de bolsa, soňky onýyllyklarda ösüş depgini kem-kemden haýallady.
2020-nji ýylda ÝB-de 2019-njy ýyla garanyňda, 531 müň adam, 2021-nji ýylda 2020-nji ýyla garanyňda, 113 müň adam köp ýogaldy.
