Volvo Cars Ýewropanyň awtoöndürijiler assosiasiýasyny terk edýär

  • 12.07.2022 11:50
  • 9.6k+

Şwesiýanyň Volvo Cars awtomobil kompaniýasy Ýewropanyň awtoöndürijiler assosiasiýasynyň (ACEA) düzüminden çykmak kararyna geldi we şeýlelik bilen, Ýewropa Bileleşiginiň 2035-nji ýyldan benzin we dizel hereketlendirijileri bolan awtomobilleriň satuwyny gadagan etmek baradaky meýilnamalaryna garşy çykýan Ýewropadaky pudaklaýyn lobbi bilen ylalaşmaýandygyny görkezdi. Bu barada kompaniýanyň beýanyna salgylanyp, Agence France-Presse (AFP) habar beýär. Muny TASS ýetirýär.

“Volvo Cars 2022-nji ýylyň ahyrynda Ýewropanyň awtoöndürijiler assosiasiýasyny terk eder. Düýpli seljermeden soň, biz kompaniýanyň durnukly ösüş ugrundaky strategiýasynyň we maksatlarynyň ACEA-nyň ýagdaýyna we iş usullaryna doly laýyk gelmeýändigi baradaky netijä geldik. Şonuň üçin biz häzir başga ýoly saýlamak gowy bolar diýip hasaplaýarys” – diýip, kompaniýa belleýär.

Agentlik 2030-njy ýyldan başlap diňe elektrik awtomobilleri öndürmegi meýilleşdirýän Volvo Cars kompaniýasynyň ýylyň ahyryna çenli ACEA-dan gitmekçidigini mälim eden Stellantis awtokonserniniň göreldesine eýerýändigini belleýär. Şol bir wagtyň özünde, Stellantis 2030-njy ýyldan Ýewropada diňe elektromobilleri satjakdygyny aýtsa-da, onuň sebäbi barada resmi taýdan habar bermedi.

Häzirki wagtda ACEA-nyň düzümine 16 awtoöndüriji girýär, olaryň arasynda BMW, Ferrari, Ford, Honda, Jaguar – Land Rover, Mercedes-Benz, Renault, Volkswagen bar. Agentligiň belleýşi ýaly, Ýewropada uly lobbi gurluşy bolan bu assosiasiýa iýun aýynda Ýewroparlament tarapyndan tassyklanan Ýewrokomissiýanyň 2035-nji ýyldan içerki ýangyç hereketlendirijili täze awtomobilleriň satuwyny gadagan etmek baradaky meýilnamasyna düýbünden garşy çykdy. Aýratynam, ol hem içerki ýangyç hereketlendirijisi, hem elektrik hereketlendirijisi bolan gibrid awtomobilleri bazara ornaşdyrmak isledi.  

 

http


04.07.2025 19:03
7.9k+

Audi we Volvo täze 2025-nji ýyl awtoulaglaryň hili boýunça düzülen reýtingde iň soňky orunlary eýelediler

J.D. Power amerikan kompaniýasy tarapyndan geçirilen 2025-nji ýylyň täze awtoulaglarynyň hil derejesi boýunça barlag dürli awtoulag brendleriniň ygtybarlylygynda uly tapawutlaryň bardygyny ýüze çykardy. Pikir soraşma 92 694 sany adam gatnaşyp, olar ulaglaryny satyn alan pursadyndan başlap, ilkinji 90 gününiň dowamyndaky ýagdaýyna baha berdiler...

30.06.2025 10:57
3.5k+

Volvo XC60 brendiň iň köp satylan modeli boldy. Rekord 30 ýyldan soň üýtgedi

XC60 krossoweri Volvo-nyň taryhynda iň köp satylan modeli boldy. Kompaniýanyň maglumatlaryna görä, onuň umumy satuwy 2,7 milliondan geçdi. Mundan ozal, rekord Volvo 240 modeline degişlidi. Bu ulag 1993-nji ýylda önümçilikden aýrylypdy we onuň umumy satuwy, takmynan, 2,68 million bolupdy...

18.06.2025 14:42
5.2k+

Täzelenen Volvo XC40 2026 krossoweriniň satuwy başlandy

Volvo kompaniýasy 2026-njy model ýylynyň täzelenen XC40 krossoweriniň satuwynyň başlandygyny habar berdi. Awtoulag bäş sany toplumda hödürlenýär, olaryň hemmesi «ýumşak» gibrid ulgam bolan 48-woltlyk goşundyly 2,0 litrlik turbohereketlendiriji bilen enjamlaşdyrylan...

09.06.2025 19:49
3.2k+

Volvo XC90 krossoweriniň ikinji nesliniň millionynjy nusgasyny çykardy

Volvo özüniň XC90 krossoweriniň ikinji nesliniň millionynjy nusgasynyň goýberilendigini habar berdi. Ýubileý modeli Şwesiýadaky zawodyň konweýerinden çykdy. Krossower model hatarynda 2002-nji ýylda peýda bolupdy...