Britaniýada 2022-nji ýylda iň ýörgünli bolan çaga atlary mälim boldy. Bu barada Daily Mail ýazýar.
BabyCentre üstümizdäki ýylda täze doglan bäbekleriň arasynda has giňden ýaýran "100 sany iň gowy adyň" sanawyny çap etdi.
7 ýyllap öňdeligi saklan Oliwiýa diýen zenan ady öz meşhurlygyny ýitirip ugrady. 2022-nji ýylda Lili iň meşhur zenan ady boldy. Oglanlaryň ady barada aýdylanda bolsa, Muhammet nobatdaky gezek birinjiliginde galdy.
Şeýle-de, Jonni we Ember atlaryny öz çagalaryna dakmak isleýän britaniýalylaryň sanynyň barha azalýandygyny çeşme habar berýär we munuň sebäbini Depp bilen Herdiň arasyndaky ula giden kazyýet işi bilen baglanyşdyrýar.
