Toyota iýulda toplum şaýlarynyň ýetmezçiligi we COVID-19-yň netijeleri bilen baglanyşykly 50 müň sany ulagy kem goýberer. Bu barada kompaniýanyň metbugat gullugy habar berýär.
Indiki aý jemi 800 müň töweregi awtoulag goýbermegi meýilleşdirilýär. Olaryň, takmynan, 250 müňi Ýaponiýada öndüriler, galanlary bolsa kompaniýanyň daşary ýurtlardaky zawodlarynda çykarylar.
Toyota-nyň kesgitlemegine görä, iýul-sentýabr aýlary aralygynda ol her aýda 850 müň awtoulag goýberer. Şonuň bilen birlikde, umumy ýyllyk önümçiligi üýtgemez - şu maliýe ýylynda öndüriji takmynan 9,7 mln ulag goýbermegi göz öňünde tutýar. Emma Toyota soňlugy bilen ýyllyk önümçiliginiň meýilnamasyny azaltmak ähtimallygynyň hem bardygyny ýaňzytdy.
