Geçen sessiýanyň jemi boýunça ýokary göterilmeden soň, çarşenbe güni nebitiň bahasy pese gaçyp ugrady diýip, interfax.ru habar berýär.
Londonyň ICE Futures biržasynda çarşenbe güni aşgabat wagty bilen sagat 10:20-de Brent kysymly nebitiň awgust fýuçersleriniň her barreliniň bahasy 111,27 dollar boldy, bu bolsa geçen sessiýanyň ýapylyşyndaky bahadan 3,38 dollar (2,95%) aşakdyr. Sişenbe gününiň söwdalaşyklarynyň jemi boýunça bu şertnamalar 0,52 dollar (0,5%), her barreli 114,65 dollara çenli gymmatlady.
Nýu-Ýorkuň haryt biržasynyň (NYMEX) elektron söwdalaşyklarynda WTI nebitiniň awgust üçin fýuçersleriniň bahasy häzirki wagtda barreli 105,94 dollar bolup durýar, bu bolsa geçen sessiýanyň jemi boýunça 3,58 dollar (3,27%) aşakdyr.
