Eýran bilen Türkmenistan elektroenergiýa söwdasyny giňeltmegi maslahatlaşdylar

  • 19.05.2022 14:52
  • 7.1k+

Eýranyň energetika ministriniň suw üpjünçiligi we suw akabasy meseleleri boýunça orunbasarynyň ýolbaşçylygyndaky Eýranyň Energetika ministrliginiň wekiliýeti suw, elektrik energiýasy pudagyndaky eýran-türkmen hyzmatdaşlygy we ony ösdürmegiň ýollaryny ara alyp maslahatlaşmak üçin Aşgabada geldi.

Eýranyň Energetika ministriniň orunbasary Mohammad Jawanbaht Türkmenistanyň Energetika ministriniň orunbasary Serdar Saparow bilen duşuşyp, pudaklaryň arasyndaky özara ikitaraplaýyn gatnaşyklary işjeňleşdirmegiň mümkinçilikleri barada gepleşikleri geçirdi diýip, Mehrnews habar berýär.
Taraplar elektrik energiýasy ulgamynda mundan beýläkde özara gatnaşyklary giňeltmäge gyzyklanma bildirdiler we inžener-tehniki hyzmatlar babatynda alyş-çalşy giňeltmek barada  ylalaşyga geldiler. Onuň esasynda, geljekki taslamalar bilen ýerinde tanyşmak üçin,  ýakyn günlerde Türkmenistanyň Energetika ministrliginiň wekiliýetiniň Eýrana gelip görmegi karar edildi.


şu gün 01:56
1k+

Gurbanguly Berdimuhamedow Türkmenistana gelen Özbegistanyň Prezidenti bilen duşuşdy

4-nji awgustda Türkmenistanyň Halk Maslahatynyň Başlygy Gurbanguly Berdimuhamedow BMG-niň Deňze çykalgasy bolmadyk ösüp barýan ýurtlar boýunça üçünji maslahatyna gatnaşmak üçin ýurdumyza gelen Özbegistanyň Prezidenti Şawkat Mirziýoýew bilen duşuşdy...

şu gün 01:45
852

Türkmenistanyň Halk Maslahatynyň Başlygy Täjigistanyň Prezidenti bilen duşuşdy

4-nji awgustda Täjigistanyň Prezidenti Emomali Rahmon Türkmenbaşy şäherine geldi. Belent mertebeli myhmanyň uçary Türkmenbaşy Halkara howa menziline gondy. Bu ýerde Täjigistanyň Lideri iki doganlyk halkyň arasyndaky mizemez dostluga mahsus bolan aýratyn mähirlilik we dabaraly ýagdaýda garşylandy...

şu gün 01:38
881

Gurbanguly Berdimuhamedow Awazada Kasym-Žomart Tokaýew bilen duşuşdy

4-nji awgustda Türkmenistanyň Halk Maslahatynyň Başlygy Gurbanguly Berdimuhamedov BMG-niň deňze çykalgasy bolmadyk ösüp barýan ýurtlary boýunça üçünji maslahatyna gatnaşmak üçin ýurdumyza gelen Gazagystan Respublikasynyň Prezidenti Kasym-Žomart Tokaýew bilen duşuşyk geçirdi...

şu gün 01:22
389

Serdar Berdimuhamedow Awazada BMG-niň Baş sekretary Antoniu Guterriş bilen duşuşdy

4-nji awgustda Türkmenistanyň Prezidenti Serdar Berdimuhamedow Awazada BMG-niň Deňze çykalgasy bolmadyk ösüp barýan döwletler boýunça üçünji maslahatyna gatnaşmak maksady bilen Türkmenistana gelen Birleşen Milletler Guramasynyň Baş sekretary Antoniu Guterriş bilen duşuşdy...