Counterpoint Research firmasynyň analitikleriniň hasabatyna görä, Xiaomi-niň smartfonlaryny ulanyjylaryň sany 500 milliondan geçdi, öň bu görkezijä diňe Samsung bilen Apple ýetipdi.
Statistika 2021-nji ýylyň kompaniýa üçin örän üstünlikli ýyl bolandygyny görkezýär. Ýewropanyň we Hindistanyň çäginde Xiaomi iň uly elektron enjamlaryny öndürijileriň üçlügine goşuldy. Hindistan sebitinde kompaniýanyň paýy umumy bazaryň 23%-ini düzýär. Hytaýda bolsa ol bäşinji orny eýeleýär, ýöne ol ýerde bir ulanyjynyň ortaça girdejisi beýleki sebitlere garanyňda has ýokary bolup, bu hem kompaniýa uly kömek edýär. Üstesine-de, Xiaomi-niň internet hyzmatlaryndan gelýän girdejiniň 80%-den gowragyny Hytaý emele getirýär, şol bir wagtyň özünde mahabat hem uly goşant goşýar.
