Kosta-Rikanyň täze prezidenti wezipesine girişdi

  • 09.05.2022 13:39
  • 6.9k+

Rodrigo Çawes ýekşenbe güni Kosta-Rikanyň prezidenti wezipesine girişdi, ol bu wezipede Karlos Alwaradonyň ornuna geçdi. Dabara respublikanyň parlamentinde geçirilip, oňa dürli ýurtlardan we halkara guramalaryndan 100-e golaý wekiliýet çagyryldy diýip, TASS habar berýär.

Täze prezidentiň koronawirus pandemiýasynyň ýaramaz täsirini başdan geçiren ykdysadyýetiň ösüşine aýratyn üns bermegine garaşylýar. Resmi maglumatlara görä, häzirki wagtda 5 milliona golaý ilaty bolan ýurtda ýaşaýjylaryň, takmynan, 23%-i garyplygyň serhedinden aňyrda dur, işsizligiň derejesi bolsa 13,5%-den geçýär.

Bilimi boýunça ykdysatçy bolan 60 ýaşly prezident ömrüniň ýarysyny diýen ýaly Bütindünýä bankynda işläp geçirdi. 2019-njy ýylda ol watanyna gaýdyp geldi we güýzüň ahyrynda Alwaradonyň hökümetinde Maliýe ministri boldy. 2020-nji ýylyň maý aýynda bolsa wezipesinden çekildi.

2021-nji ýylyň tomsunda Çawes merkezi “Sosial-demokratik ösüş” partiýasyndan prezident wezipesine hödürlenendigini habar berdi. Şu ýylyň 6-njy fewralynda geçirilen saýlawlaryň birinji tapgyrynda ol “Milli azat ediş” partiýasynyň wekili Hose Figeresden ýeňildi, ýöne 3-nji aprelde 52,86% ses bilen ikinji tapgyrda ýeňiş gazandy. Kampaniýanyň dowamynda Çawes täze iş orunlaryny döretmäge, goşmaça maýa goýumlary çekmäge, korrupsiýa bilen göreşmäge we sosial çykdajylaryň netijeliligini ýokarlandyrmaga wada berdi.

Kosta-Rika – prezident respublikasy. Döwlet baştutany ministrleri we beýleki döwlet edaralarynyň ýolbaşçylaryny belleýär, kanunlara gol çekýär we olary gaýtadan garamak üçin bir palataly parlamente yzyna berýär. Prezidentiň ygtyýarlyk möhleti dört ýyl bilen çäklendirilýär.


16.03.2025 22:08
9.6k+

IQAir iň arassa we hapa howaly ýurtlary atlandyrdy

Dünýädäki şäherleriň diňe 17%-i howanyň hil kadasyna laýyk gelýär. Bu barada Şweýsariýanyň howa hiline gözegçilik boýunça guramasy IQAir-iň hasabatynda aýdylýar. Hünärmenler 138 ýurtda 40 müň gözegçilik stansiýasyndan...

05.04.2022 13:00
5.9k+

Kosto-Rikanyň prezident saýlawlarynda ozalky maliýe ministri Çawes ýeňiş gazandy

Kosta-Rikada geçen prezident saýlawlarynyň býulletenleriniň 95,93%-i saýhallanandan soňky netije boýunça ozalky maliýe ministri Rodrigo Çawes ýeňiş gazandy. Ol saýlawçylaryň 52,86% sesini aldy diýip, TeleSur teleýaýlymy...

şu gün 09:18
253

Angliýada jaý ýetmezçiligini çözmek üçin 12 sany täze şäher gurlar

Ýakyn ýyllarda Angliýada ýaşaýyş jaýlarynyň ýetmezçilik etmek meselesini çözmek üçin 12 sany täze şäher gurmak meýilleşdirilýär. Bu barada Beýik Britaniýanyň premýer-ministri Kir Starmer Leýboristik partiýanyň maslahatynda aýtdy...

düýn 19:03
2.4k+

Aşgabatda Bitarap Türkmenistan şaýoly boýunça ulaglaryň hereketi dolulygyny dikeldildi

Aşgabatda Bitarap Türkmenistan şaýolunyň Atamyrat Nyýazow we Arçabil şaýollarynyň çatrygynyň aralygyndaky ulaglaryň hereketi doly dikeldildi. Bu barada Aşgabat şäher häkimligi habar berýär. Öň, bu bölek 6-njy awgustdan başlap, Türkmenistanyň hemişelik Bitaraplygynyň 30 ýyllyk dabaralaryna taýýarlygyň çäklerinde giň möçberli abadanlaşdyryş işleri üçin bölekleýin ýapylypdy...