6-njy maýda geçirilen Hökümet mejlisinde Prezident Serdar Berdimuhamedow Beýik Watançylyk urşunda gazanylan Ýeňiş güni mynasybetli çäreleriň ýokary guramaçylyk derejesinde geçirmegi tabşyrdy.
Döwlet Baştutanynyň belleýşi ýaly, uly baýram — Beýik Watançylyk urşunda gazanylan Ýeňiş güni ýetip gelýär. 9-njy maýda jemgyýetçilik guramalary tarapyndan «Halk hakydasy» ýadygärlikler toplumyna gül goýlar we uruşdan gaýdyp gelmedik watandaşlarymyz hatyralanar.
Prezident Serdar Berdimuhamedow bu çäreleriň döwletimiziň durmuşynda möhüm ähmiýetli syýasy wakadygyny, şoňa görä-de, olaryň ýokary derejede geçirilmelidigini aýtdy.
