Microsoft-yň çärýek girdejisi ýyllyk hasabynda 18% ýokarlandy

  • 28.04.2022 18:05
  • 1.6k+

Microsoft amerikan korporasiýasynyň girdejisi geçen çärýek geçen ýylyň degişli döwri bilen deňeşdirilende 18% ýokarlanyp, 49,36 mlrd dollara ýetdi. Degişli maglumatlar kompaniýanyň saýtynda berilýär. 

31-nji martda tamamlanan üç aýlyk döwürde kompaniýanyň arassa girdejisi 16,72 mlrd dollara ýetdi. Ol ýyllyk hasabynda 8% ýokarlandy. Bellenilen möhletde Microsoft-yň operasion girdejisi 2021-nji ýylyň degişli döwri bilen deňeşdirilende 19% ýokarlanyp, 20,36 mlrd dollar boldy. CNBC telekompaniýasynyň bellemegine görä, kompaniýanyň maliýe görkezijisi hünärmenleriň çaklamasyndan ýokary boldy, olar 49,05 mlrd dollara golaý girdejä garaşypdylar.
Korporasiýanyň baş ýerine ýetiriji müdiri Satýa Nadella “sanly tehnologiýalaryň ykdysadyýete täsiriniň wagtyň geçmegi bilen ýokarlanjakdygyny” belledi. Öz gezeginde Microsoft-yň maliýe müdiri Emi Hud kompaniýanyň geçen çärýekdäki maliýe üstünliginiň bulut tehnologiýalaryna bolan isleg bilen baglanyşyklydygyny aýtdy.


20.06.2025 17:35
2.8k+

Microsoft we Amazon kompaniýalarynyň işgärleri EA sebäpli köpçülikleýin işden çykarylar

Microsoft kompaniýasy emeli aň tehnologiýalaryna çykdajylaryň artmagy sebäpli müňlerçe iş ornuny azaltmagy meýilleşdirýär. EA-nyň ýaýramagy sebäpli işgärleri azaltmak barada Amazon kompaniýasy hem habar berdi. Bloomberg-iň çeşmelere salgylanyp ýazmagyna görä, Microsoft-da işden çykarmalaryň uly bölegi satuw bölümleriniň işgärlerine täsir eder...

17.06.2025 14:18
8.8k+

Tramp kriptowalýutadan we öz ady bolan harytlaryň satuwyndan millionlarça dollar gazandy

ABŞ-nyň Prezidenti Donald Tramp kriptowalýutadan 57 million dollardan gowrak we öz ady bolan dürli harytlaryň satuwyndan ýene-de millionlarça dollar gazandy. Bu barada Ak tam tarapyndan hödürlenen maliýe deklarasiýasyna salgylanyp, Reuters habar berýär...

04.06.2025 13:43
1.5k+

Nvidia ýene Microsoft-dan öňe geçip, dünýäniň iň gymmat kompaniýasy boldy

Nvidia bazar bahasy boýunça ýene-de dünýäniň iň uly kompaniýasy boldy. Şu hepde onuň bazar bahasy 3,45 trln dollara ýetdi we netijede Microsoft-dan öňe geçdi. CNBC-niň habar bermegine görä, Microsoft söwda sessiýasyny 3,44 trln dollar görkeziji bilen ýapdy...

17.05.2025 08:59
7.6k+

Katar «Boeing» bilen 200 milliard dollarlyk şertnama baglaşdy

Kataryň «Qatar Airways» döwlet awiakompaniýasy «Boeing» amerikan konserni bilen 160 uçar satyn almak boýunça 200 mlrd dollarlyk şertnama baglaşdy. Bu barada ABŞ-nyň prezidenti Donald Tramp Dohadaky gol çekiş dabarasynda habar berdi...