Benzema Çempionlar ligasynyň iň gowy bombardiri boldy we rekord goýdy

  • 27.04.2022 17:19
  • 16k+

Madridiň “Realynyň” fransiýaly hüjümçisi Karim Benzema Çempionlar ligasynyň “Mançester Siti” bilen birinji ýarym final oýnunda iki gol geçirip, ýaryşyň bombardirler sanawynda birinji orna çykdy. Duşuşyk Mançesterde geçirildi we hojaýynlaryň peýdasyna 4:3 hasabynda tamamlandy.

“Real” üçin 600-nji oýunda fransiýaly häzirki ýaryşda 14 gol salyp, “Bawariýanyň” polşaly hüjümçisi Robert Lewandowskini (13) birinji setirden gysyp çykardy. Çempionlar ligasyna häzirki gatnaşyjylardan fransiýaly oýunçynyň ýakyn bäsdeşi “Liwerpulyň” müsürli hüjümçisi Mohamed Salahdyr (8). 
Häzirki möwsümde diňe Benzema bilen Lewandowskiý ähli ýaryşlarda 40 gol belligine ýetdi. 
Benzema – Çempionlar ligasynyň taryhynda dördünji bombardir (139 oýunda 85 gol). Bu sanawda portugaliýaly Kriştianu Ronaldu birinji orny eýeleýär (140), onuň yzyndan Lionel Messi (125) we Lewandowskiý (86) gelýär.
Şeýle-de, Benzema Çempionlar ligasynyň taryhynda liganyň bir möwsüminiň pleý-offunyň myhman oýunlarynda bäş gol geçiren ilkinji oýunçy boldy. “Çelsi” bilen dörtden bir final duşuşygynda ol öz hasabyna üç gol ýazdy. 


düýn 20:06
3.1k+

Gonkongda Kriştianu Ronaldunyň wagtlaýyn muzeýi açyldy

Gonkongda saud “Al-Nasrynyň” we Portugaliýanyň milli ýygyndysynyň hüjümçisi Kriştianu Ronalduwa bagyşlanan wagtlaýyn muzeý açyldy. Bu barada Blooloop habar berýär. Muzeý K11 çeperçilik-medeni merkezinde ýerleşýär...

düýn 14:08
8.8k+

Mbappe psihologik basyş edilmegi babatda “PSŽ”-nyň üstünden ýazan arzasyny yzyna aldy

Fransuz hüjümçisi Kilian Mbappe öňki kluby bolan “Pari Sen-Žermene” üstünden beren kazyýet arzasyndan özüne psihologik basyş edilmegi babatdaky bölegi yzyna aldy diýip, L'Equipe habar berýär. Futbolçy "ünsüni sport meselelerine jemlemek" üçin şeýle karara geldi...

düýn 11:39
4.5k+

“Çelsi” Klublaýyn dünýä çempionatynyň finalyna çykdy, ol “Real” ýa-da “PSŽ” bilen duşuşar

Londonyň “Çelsisi” 2025-nji ýylyň Klublaýyn dünýä çempionaty ýaryşynyň ilkinji finalçysy boldy. Ol ýarym finalda Braziliýanyň “Fluminense” toparyny 2:0 hasabynda utdy. Oýun Ist-Raterforddaky (ABŞ) “Metlaýf” stadionynda geçirildi...

düýn 11:18
2.1k+

“Barselona” 35 ýaşly Woýseh Şensny bilen şertnamany 2027-nji ýyla çenli uzaltdy

“Barselona” polşaly derwezeban Woýseh Şensny bilen täze şertnama baglaşdy. Bu barada klubuň resmi saýtynda habar berilýär. 35 ýaşly futbolçy bilen şertnama 2027-nji ýylyň 30-njy iýunyna çenli hereket edýär. Şensny katalon toparyna 2024-nji ýylyň oktýabrynda – karýerasyny tamamlandygyny yglan edenden iki aý soň goşuldy...