Hemilton bilen Serena Uilýams “Çelsini” satyn almak taslamasyna maýa goýdular

  • 22.04.2022 14:19
  • 9.6k+

«Formula-1-iň» ýedi gezek çempiony britaniýaly Lýuis Hemilton bilen dünýäniň öňki birinji raketkasy amerikaly Serena Uilýams Londonyň «Çelsi» futbol klubuny satyn almagy göz öňünde tutýan konsorsiumyň düzümine goşuldy. Bu barada Sky News habar berýär. 

Çeşmäniň maglumatlaryna görä, türgenler “Liwerpulyň” öňki prezidenti Martin Brotonyň ýolbaşçylygyndaky arza üçin, takmynan, 10 mln funt sterlingden goşmaga razy boldular. Şeýle-de, konsorsiuma Bütindünýä ýeňil atletika assosiasiýasynyň (World Athletics) ýolbaşçysy Sebastýan Kou hem girýär.

Konsorsiumyň meýilnamalaryna görä, “Çelsiniň” paýnamalarynyň gözegçilik bukjasyna Harris Blitzer Sports & Entertainment (HBSE) maýa goýum kompaniýasy eýeçilik eder. Bu kompaniýa amerikalylar Joş Harris bilen Deýw Blitser ýolbaşçylyk edýär. Olar Londonyň “Kristal Pelas” futbol klubuna hem eýeçilik edýärler. Bellenilişi ýaly, “Çelsini” satyn almazdan öň Harris bilen Blitser Angliýanyň premýer-ligasynyň klubunyň minoritar paýnamalar bukjasyndan ýüz öwürmeli bolar.

10-njy martda Birleşen Korollygyň häkimiýeti “Çelsiniň” eýesi Roman Abramowiçe garşy sanksiýa girizdi. Angliýanyň premýer-ligasy Abramowiçi 2003-nji ýyldan bäri eýeçilik edýän “Çelsi” klubuny dolandyrmakdan boşatdy. Abramowiç “Çelsiniň” ýolbaşçylygyny haýyr-sahawat gaznasyna tabşyrdy we kluby satmak barada netijä gelendigini aýtdy. Britan hökümeti satuw ygtyýarnamasyny tassyklamaly, ýöne ol Abramowiçe girdeji almaga ýol bermez.  


25.09.2025 21:15
9.9k+

«Arkadag» FK ikinji gezek Türkmenistanyň Naýbaşy kubogyny aldy

«Arkadag» futbol topary Türkmenistanyň Naýbaşy kubogyny yzly-yzyna ikinji gezek eýeledi. Aşgabatdaky «Nusaý» stadionynda geçirilen duşuşykda «Arkadag» «Ahaldan» 3:0 hasabynda üstün çykdy. Ýeňijileriň düzüminde iki goly Altymyrat Annadurdyýew (52-nji hem-de 63-nji minutlar), ýene bir topy bolsa Mirza Beknazarow (14) geçirdi...

23.09.2025 11:03
6k+

Wiktor Dýokereş iň gowy bombardir bolup, Gerd Mýuller baýragyny aldy

Tomusky transfer penjiresinde “Arsenalyň” oýunçysy bolan Wiktor Dýokereş France Football tarapyndan möwsümiň jemi boýunça iň gowy bombardir diýlip ykrar edildi. Ol Gerd Mýuller adyndaky baýraga mynasyp boldy. Geçen möwsümde Dýokereş Lissabonyň “Sportinginde” oýnap, Portugaliýanyň çempionatyny we Kubogyny utdy...

23.09.2025 11:01
4.8k+

“PSŽ” – möwsümiň iň gowy kluby, Luis Enrike – iň gowy tälimçi

Fransiýanyň “PSŽ” kluby France Football žurnaly tarapyndan möwsümiň iň gowy futbol kluby, oňa ýolbaşçylyk edýän Luis Enrike bolsa iň gowy tälimçi diýlip ykrar edildi. Dabara duşenbe güni Parižde geçirildi. Geçen möwsümde “PSŽ” Çempionlar ligasynda, Fransiýanyň çempionatynda, Kubogynda we Superkubogynda ýeňiji boldy...

23.09.2025 11:00
4k+

Donnarumma iň gowy derwezeban hökmünde Lew Ýaşin baýragyny aldy

Italiýanyň milli futbol ýygyndysynyň derwezebany Janluiji Donnarumma France Football žurnaly tarapyndan möwsümiň iň gowy derwezebany hökmünde Lew Ýaşin adyndaky baýraga mynasyp boldy. Baýragy oňa watandaşy – Italiýanyň milli ýygyndysynyň öňki derwezebany Janluiji Buffon gowşurdy...