«Mançester Siti» futbol klubunyň baş tälimçisi Hosep Gwardiola iňlis klublarynyň arasynda 250 ýeňşi çalt gazanmak boýunça rekord goýdy we bu görkeziji boýunça portugaliýaly Žoze Mourinýudan öňe geçdi. Bu barada Opta statistika gullugy özüniň Twitterinde habar berýär.
Çarşenbe güni “Mançester Siti” Angliýanyň çempionatynyň 30-njy tapgyrynda “Braýtony” 3:0 hasabynda utdy. Gwardiola üçin bu ýeňiş ähli ýaryşlarda “Sitiniň” tälimçisi hökmünde 344 oýunda 250-nji ýeňşi boldy.
Mundan öň rekord Mourinýuwa degişlidi. Ol “Çelsä”, “Mançester Ýunaýtede” we “Tottenheme” tälimçi boldy. Ol 250 ýeňşi 396 oýunda gazandy. Üçünji orunda Kenni Dalgliş (429 oýun), dördünji orunda Arsen Wenger (433), bäşinji orunda Don Rewi (439) ýerleşýär.
