Prezident Serdar Berdimuhamedowyň 19-njy aprelde gol çeken resminamasyna laýyklykda, Orazmyrat Gurbannazarow saglyk ýagdaýy sebäpli Türkmenistanyň söwda we daşary ykdysady aragatnaşyklar ministri wezipesinden boşadyldy.
Degişli Karara laýyklykda, bu wezipäni wagtlaýyn ýerine ýetirmek Türkmenistanyň söwda we daşary ykdysady aragatnaşyklar ministriniň orunbasary Begenç Goçmollaýewiň üstüne ýüklenildi.
Ýeri gelende bellesek, Orazmyrat Gurbannazarow Prezident Serdar Berdimuhamedowyň Permany bilen, şu ýylyň 6-njy aprelinde söwda we daşary ykdysady aragatnaşyklar ministri wezipesine gaýtadan saýlanypdy. Ol bu wezipede 2019-njy ýylyň sentýabryndan bäri zähmet çekýärdi.
