Soňky 10 ýylyň içinde elektromobilleriň dünýä bazaryndaky paýy 41 esse artyp, 8,3 göterim boldy. Geçen ýyl satylan elektromobilleriň sany 6,75 mln-a ýetdi, bu bolsa öňküsi ýylkydan 108 göterim känligini aňladýar.
Howanyň üýtgemegine garşy göreşmek maksadynyň çäklerinde ýurtlar ýerden gazylyp alynýan ýangyjyň sarp edilişini kemeltmek üçin, pes uglerodly tehnologiýa geçmegiň depginini tizleşdirýärler.
Elektromobilleriň bazaryndaky özgerişlikler hem şeýle depgini satuwlarynda şöhlelendirýärler. Dünýäniň awtoulag bazarynyň ösüşi geçen ýyl tutuşlygyna elektromobillere degişli boldy.
EV-volumes.com-yň maglumatlaryna salgylanýan «Anadolu» agentliginiň habar bermegine görä, 2021-nji ýylda dünýä bazarynda elektromobilleriň satuwy, geçen ýylky 6,75 mln-lyk söwda bilen deňeşdirilende, 108 göterim artdy, bu bolsa bütin taryh üçin iň ýokary görkeziji bolup durýar. 2020-nji ýylda, pandemiýa garamazdan, 3,24 million elektromobil satylypdy.
2021-nji ýylda Hytaýa iň köp — 3,4 million elektromobil satyldy. Şeýlelikde, ondan öňki ýyl bilen deňeşdirilende, Hytaýa satuw 155 göterim artdy, ýa-da 2,06 million boldy.
Ýewropa 2,3 million elektromobil satyldy, bu 2020-nji ýyl bilen deňeşdirilende, 66 göterim artykdyr. ABŞ elektromobilleriň satuwy boýunça üçünji ýerde durýar — 735 müň elektromobil, onuň yzysüre Günorta Koreýa gelýär — 114 müň 500 elektromobil. Ysraýyl, Awstraliýa, Hindistan we Ýaponiýa 10 müňden gowrak elektromobil satdy.
