Ýagşymyradow Karwalýo bilen «bakyşlaryň duelini» geçirdiler

  • 15.04.2022 13:46
  • 34k+

Garyşyk göreşiň türkmen wekili Döwletjan Ýagşymyradow we braziliýaly Rafael Karwalýo 16-njy aprele geçilýän gije boljak Bellator 277 ýaryşynyň öň ýanynda «bakyşlaryň duelini» geçirdiler. Söweş ABŞ-da San-Hose şäherindäki «Es-Eý-Pi-sentr» arenasynda geçiriler.

Döwletjan Ýagşymyradow söweşden öň agram çekilşligi üstünlikli geçdi. Ol 93,1 kg agram görkezip, ýarym agyr agram kategoriýasynyň talap edilýän çägine bardy.
Ýagşymyradow-Karwalýo tutluşygyny, şeýle hem Bellator 277-niň beýleki ähli ýaryşlaryny Älem TV hemra telewideniýesinde elýeterli bolan Setanta Sports teleýaýlymynda görmek bolýar. Ýaryşa şeýle hem Bellator-yň You Tube-daky resmi ýaýlymyndan tomaşa edip bolar. Ýaryş agşamynyň deslapky tutluşyklary aşgabat wagty bilen 04:00-da başlanýar. Esasy tutluşyklar 07:25-e meýilleşdirildi.  
Öň habar berşimiz ýaly, şikes alanlygy zerarly Döwletjanyň ilki garşydaşy Toni Jonson söweşden ýüz öwürdi, oňa derek türkmen pälwanyna garşy Bellator-yň öňki çempiony braziliýaly Rafael Karwalýo çykar.
Döwletjan Ýagşymyradow professional karýerasynyň dowamynda 24 söweş geçirip, 18 ýeňiş (15-si wagtyndan öň) gazandy. Ýeňişleriň 11-si nokaut, 4-si sabmişen we biri eminleriň karary bilen gazanyldy. Bu söweş Döwletjan üçin Bellator-da üçünji söweş bolar. Ondan öň Döwletjan Bellatorda Kori Anderson we Karl Albrektsson bilen duşuşdy. 
Türkmen pälwanynyň garşydaşy Karwalýonyň hasabynda garyşyk söweşlerde 22 sany duşuşyk geçirip, 16 ýeňiş we 6 ýeňliş bar.


24.07.2025 14:24
10k+

Dwalişwili, Ankalaýew, Prohazka... UFC 320-de boljak üç esasy söweş yglan edildi

UFC-niň metbugat gullugy 4-nji oktýabrda Las-Wegasda UFC 320 ýaryşynyň çäklerinde geçiriljek üç uly söweşi yglan etdi. Söweşleriň birinde iň ýeňil agramda UFC-niň çempiony, gruziýaly söweşiji Merab Dwalişwili bilen amerikaly Kori Sendhagen duşuşar...

24.07.2025 14:16
9.7k+

UFC soňky ýaryşdan we Porýe gidenden soň ýeňil agramda söweşijileriň reýtingini täzeledi

UFC-niň metbugat gullugy 20-nji iýulda Täze Orleanda (Luizina ştaty, ABŞ) geçen UFC 318 ýaryşynyň jemi boýunça söweşijileriň reýtinglerini täzeledi. Ýeňil agramly söweşijileriň täzelenen sanawyndan karýerasyny tamamlan amerikaly Dastin Porýe aýryldy...

24.07.2025 10:04
4k+

Tom Aspinall UFC-niň Abu-Dabide geçiriljek ýaryşynda Siril Gan bilen duşuşar

25-nji oktýabrda Abu-Dabide geçiriljek UFC 321 ýaryşynda agyr agramda çempion (120 kilograma çenli) britaniýaly Tom Aspinall bilen fransuz Siril Ganyň arasynda söweş bolar. Bu barada X sosial ulgamynda söweş mahabatynyň resmi akkaunty habar berdi...

20.07.2025 13:29
8.7k+

Dastin Porýe karýerasyndaky soňky söweşinde Maks Holloueýden ýeňildi

Amerikaly Dastin Porýe Täze Orleanda geçirilen UFC 318 ýaryşynyň esasy söweşinde watandaşy Maks Holloueýden ýeňildi. Ýeňil agramda geçen söweş tutuş bäş raund dowam etdi. Eminleriň biragyzdan karar bermegi bilen Holloueý ýeňiş gazandy...