Şu gün — 12-nji aprelde Türkmenistandaky teatrlaryň ählisi tomaşaçylar üçin gapylaryny açar. Bu barada Medeniýet ministrliginiň habaryna salgylanyp, Turkmenportal maglumat berdi.
Bellenilişi ýaly, teatr zallarynyň 30 göterimi tomaşaçylar bilen doldurylar. Teatrda oýun görmäge barýan raýatlar sagdyn durmuş ýörelgesiniň düzgünlerini berjaý edip, köpçülik ýerlerinde 2 metr aralygy saklap, agyz-burun örtüklerini bellenen kadalara görä dakynmalydyrlar.
Şeýle-de teatrlaryň girelgelerinde raýatlaryň gyzgynlygy ölçenip, olaryň elleri dezinfeksiýa ediler.
