Serbiýanyň häzirki Prezidenti Aleksandr Wuçiç Serbiýanyň Prezident saýlawlarynyň birinji tapgyrynda 59,55% netije bilen ýeňiş gazandy. Muňa Serbiýanyň Respublikan saýlaw toparynyň (RST) resmi maglumatlary şaýatlyk edýär. Bu maglumatlar sesleriň 90%-i sanalandan soň, duşenbe güni neşir edildi.
RST-niň maglumatlaryna görä, býulletenleriň 90,71%-i sanalandan soň, Wuçiç 59,55% ses bilen ýeňiş gazanýar, ikinji orunda Serbiýanyň Baş ştabynyň öňki ýolbaşçysy Zdrawko Ponoş (17,53%), üçünji orunda Miloş Ýowanowiç (5,82%) ýerleşdi.
Beýleki netijeler — Boşko Obradowiç (4,42%), Milisa Jurjewiç-Stamenkowski (4,31%), Bilýana Stoýkowiç (3,04%), Branka Stamenkowiç (2,02%), Mişa Wasiç (0,89%).
