Yrak mart aýynda nebit eksportyndan girdeji gazanmakda rekord goýdy

  • 03.04.2022 15:54
  • 5.4k+

Mart aýynda Yrak nebitiniň eksporty ýurda soňky 50 ýylda rekord derejeli girdeji – 11 mlrd ABŞ dollary getirdi, nebit önümçiliginiň möçberi 100 mln barrelden geçdi. Bu barada Yragyň nebit ministrliginiň metbugat gullugy habar berdi diýip, 1prime.ru belleýär.

“Mart aýynda çig nebitiň umumy eksport möçberi 100 mln 563 müň 999 barrel boldy, girdeji 11,07 mlrd dollara ýetdi, bu bolsa 1972-nji ýyldan bäri gazanylan iň uly pul mukdary” – diýlip, relizde görkezilýär. 

Hasabat döwründe eksportyň gündelik möçberi nebit barreliniň 110 dollar ortaça bahasynda 3,244 mln barrele barabar boldy.

Nebit ministrliginiň maglumatlaryna görä, Yrak fewral aýynda soňky iki ýylda eksportyň iň ýokary möçberine ýetdi, ol günde 3,314 mln barrel boldy. Şol bir wagtyň özünde fewral aýynda Yrak 2014-nji ýyldan bäri 8,54 mlrd dollar möçberinde iň ýokary eksport girdejisini aldy.


30.05.2025 10:53
2.9k+

Türkmenistanda portlarda nebit önümleriniň ýük amallaryny geçirmegiň düzgünleri döwrebaplaşdyrylýar

“Türkmenistanyň deňiz portlarynda we port nokatlarynda nebit, nebit önümleri we gazhimiýa önümleri daşary ýurtlara ýüklenip iberilende ýük amallaryny geçirmegiň Düzgünleriniň” taslamasy taýýarlanyldy. Bu barada 29-njy maýda Hökümet mejlisiniň barşynda wise-premýer B...

15.05.2025 10:08
5.7k+

“Türkmengaz” we “Türkmennebit” DK “PETRONAS” we “ADNOC” kompaniýalary bilen şertnamalary baglaşdy

14-nji maýda Aşgabatda Türkmenistanyň ýangyç-energetika toplumynyň ýolbaşçylarynyň, nebitgaz pudagynyň hünärmenleriniň gatnaşmagynda Birleşen Arap Emirlikleriniň bu ugra degişli pudaklaýyn dolandyryş edaralarynyň ýolbaşçylary hem-de Malaýziýanyň “PETRONAS” kompaniýasynyň ýolbaşçylarydyr wekilleri bilen halkara derejeli duşuşyk boldy...

13.05.2025 19:33
5.1k+

Saudi Aramco nebitiň bahasynyň peselmegi sebäpli girdejisini ýitirýär

Saud Arabystanynyň döwlet nebit kompaniýasy Saudi Aramco ýekşenbe güni 2025-nji ýylyň birinji çärýegi üçin maliýe hasabatyny hödürledi. Resminama görä, arassa girdeji 26 mlrd dollar boldy we bu geçen ýylyň degişli döwri bilen deňeşdirilende 4,6% azdyr...

27.04.2025 16:27
5.3k+

"Türkmennebit" we "PETRONAS" Özara düşünişmek hakynda Ähtnama gol çekdiler

24-nji aprelde Türkmenistanyň ykdysadyýetine daşary ýurt maýa goýumlaryny çekmek boýunça halkara forumyň (TEIF 2025) çäklerinde "Türkmennebit" döwlet konserni bilen "Petronas Carigali (Turkmenistan) Sdn. Bhd." kompaniýasynyň arasynda özara düşünişmek hakynda Ähtnama gol çekildi...