Maserati benzin bilen işleýän motorlardan doly ýüz öwürmekçi bolýar

  • 25.03.2022 14:46
  • 5.1k+

Maserati italýan kompaniýasy häzirki endik edilen, benzin bilen işleýän hereketlendirijilerden doly ýüz öwürmek isleýär diýip, autonews.ru habar berýär.

Häzirki wagtda Maserati (tutuş Fiat konserni ýaly) Stellantis konserniniň düzümine girýär we Stellantisiň ýolbaşçylary bireýýämden bäri elektriki ugra geçmek kararyna gelipdiler.  Maserati lýuks modellerini öndüriji hem mundan çetde galdyrylmaz.
2025-nji ýyla çenli Maseratiniň ähli modelleri elektriki wersiýa eýe bolar, 2030-njy ýyla çenli bolsa konweýerde adaty içerki ot alyşly hereketlendirijili ulag asla galmaz diýip çaklanylýar.
Maserati elektrikli hereketlendirijä geçjek lýuks awtoulaglarynyň ilkinji italýan brendi bolar.
Ilkinji bolup 2023-nji ýylda Gran Turismonyň kupe elektriki wersiýasynyň ikinji nesli peýda bolar. Ol Folgore (italýançadan terjime edilende "ýyldyrym" diýen manyny aňladýar) diýen belgini alar.
Gran Turismo Folgore birbada  kuwwaty 1200 at güýji töweregi bolan üç sany hereketlendirijini alar diýip garaşylýar.
2025-nji ýylda bolsa MC20 elektriki superkarynyň, şeýle hem Quattroporte Folgore we Levante Folgore elektrokarlarynyň görkezilişine garaşmak bolar.


düýn 10:35
6.9k+

Huawei täze Luxeed R9 krossowerini synagdan geçirýär, ýöne kynçylyklar bar

Huawei-iň Chery bilen hyzmatdaşlykda döreden Luxeed R9 flagman elektrik krossoweri ilkinji gezek ýol synaglary wagtynda görüldi. Modeliň ilkinji görkezilişi noýabr aýyna meýilleşdirildi. Awtoulagyň dizaýnynda brendiň firma stili görkezilýär: ýaýbaň kapot, "Starlight" bezeg elementleri we uniwersaly ýada salýan uzap gidýän kuzow...

21.07.2025 19:15
6.1k+

Tesla her 1,5 minutda bir Model 3 satýar. Eýýäm 3 mln ulag satyldy

Tesla täze sepgide ýetendigini habar berdi: ilkinji gezek hödürlenenden bäri 7 ýylyň dowamynda bütin dünýäde 3 mln Model 3 awtomobili satyldy. Kompaniýanyň wekilleriniň aýtmagyna görä, “ortaça her 1,5 minutda bir ulag satylýar” – diýip, Autohome ýazýar...

20.07.2025 17:41
3.2k+

Xiaomi YU7 elektromobiliniň hakyky ýol ätiýaçlygy aýdylyşyndan üçden bir esse az bolup çykdy

Max wersiýasyndaky Xiaomi YU7 2026 elektrik krossoweri bir zarýadda 492 kilometr ýol geçdi, ýagny bu resmi taýdan yglan edilen görkezijiden 258 km az boldy. Şeýle maglumaty, modeliň garaşsyz synaglarynyň netijelerine esaslanyp, Hytaýyň Sohu neşiri habar berdi...

18.07.2025 12:20
7.6k+

Nissan elektrik awtoulaglarynyň ýerine täze ramly ulaglary çykarar

Nissan ABŞ-nyň Missisipi ştatynyň Kanton şäherindäki zawodynda elektrik ulaglarynyň önümçiligini bes edip, birbada birnäçe ramly modeliň önümçiligini ýola goýmagy meýilleşdirýär. Kompaniýa elektrikli awtoulaglara bolan gyzyklanmanyň azalmagy, täze gümrük paçlarynyň girizilmegi we ABŞ-da elektrik awtoulaglaryny satyn almak üçin subsidiýalaryň ýatyrylmagy sebäpli strategiýasyny üýtgetmek kararyna geldi...