Lapsus$ toparynyň hakerleri Microsoft-yň serwerini döwendiklerini we birgiden maglumatlary ogurlandyklaryny mälim etdiler. Bu barada BleepingComputer neşiri habar berýär.
Žurnalistler toparyň telegram-kanalyna salgylanýarlar, ol
kompaniýanyň käbir taslamalarynyň başlangyç kody saklanýan Microsoft Azure DevOps serweriniň döwlendigini tassyklaýar.
Habarda korporasiýanyň Bing, Gortana we beýleki serwisleri hakyndaky maglumatlaryň ogurlanandygy barada aýdylýar. Şeýle-de, jenaýatçylar maglumatlarynyň göwrümi dokuz gigabaýt bolan arhiwi setiň açyk elýeterinde goýupdyrlar.
Lapsus$-da kompaniýanyň 250 töweregi taslamasynyň başlangyç koduny paýlaşandyklaryny gürrüň berdiler.
Toparyň wekilleri jemi 37 gigabaýt töwerek maglumatyň ogurlanandygyny bellediler.
Howpsuzlyk meseleleri boýunça barlagçylar arhiwleri öwrenip, olaryň hakykatdan hem Microsoft-yň taslamalaryna degişli gizlin maglumaty saklaýandyklaryny tassykladylar. Korporasiýanyň wekilleri maglumatyň ýaýramagy bilen bagly žurnalistleriň beren sowallaryny tassyklamadylar, emma derňew geçirjekdiklerini mälim etdiler.
