Finlýandiýa bassyr bäşinji gezek dünýäde iň bagtly ýurt diýlip yglan edildi. Şeýle baha BMG-niň tabşyrygy boýunça taýýarlanan 2022-nji ýylyň Bütindünýä bagt hasabatynda saklanýar diýip, TASS habar berýär.
Reýtingde Finlýandiýa geçen ýyllarda bolşy ýaly, beýleki döwletlerden birnäçe ýüz bal öňe geçdi. Iň bagtly ýurtlaryň bäşligine Daniýa, Islandiýa, Şweýsariýa we Niderlandlar girdi. Şeýle-de, ilkinji onlukda Lýuksemburg, Şwesiýa, Norwegiýa, Ysraýyl we Täze Zelandiýa bar.
Bu gözleg 146 döwleti öz içine aldy. Bütindünýä bagt hasabaty 2012-nji ýyldan bäri neşir edilýär. Ol düzülende gözlegçiler adam başyna düşýän JIÖ, sosial goldaw derejesi, ömür dowamlylygy, raýat azatlyklarynyň goralmagy, iş kepilligi, korrupsiýa derejesi, şeýle-de jemgyýetçilik pikir soraşmasynyň netijeleri ýaly görkezijileri göz öňünde tutýarlar.
Finlýandiýanyň ýaşaýjylary üçin bagt faktorlarynyň arasynda, esasan, tebigata ýakynlyk, ýaşamak üçin howpsuz gurşaw, zerur serwislere we hyzmatlara elýeterlilik bellenilýär.
