Ýewropada Howpsuzlyk we Hyzmatdaşlyk Guramasynyň Baş sekretary Helga Mariýa Şmidt Serdar Berdimuhamedowy Türkmenistanyň Prezidenti wezipesine saýlanmagy mynasybetli gutlady.
«Ýewropada Howpsuzlyk we Hyzmatdaşlyk Guramasy ýurduňyz bilen üstünlikli hyzmatdaşlyk edýär we Siziň baştutanlygyňyzda bu özara bähbitli gatnaşyklaryň ösdürilmeginiň dowam etjekdigine, şol sanda ilçi MakGregoryň ýolbaşçylygynda ÝHHG-niň Aşgabatdaky merkeziniň üstünlikli işleri netijesinde ösdüriljekdigine berk ynanýaryn» diýlip, hatda özara hyzmatdaşlygyň Merkezi Aziýada parahatçylygy we durnuklylygy has-da berkitjekdigine ynam bildirilýär.
