Mýunheniň “Bawariýasynyň” hüjümçisi Robert Lewandowski häzirki möwsümde Çempionlar ligasynyň bombardirleriniň sanawynda birinji orny eýeledi. Bu barada championat.com habar berdi.
Polşaly oýunçy Awstriýanyň “RB Zalsburg” topary bilen geçirilen oýunda het-trik etdi. Bu oýunda “Bawariýa” 7:1 hasabynda ynamly ýeňiş gazandy. Bu ýaryşda Lewandowskiniň hasabynda jemi sekiz oýunda 12 gol bar. Robert bombardirleriň sanawynda “Aýaksyň” hüjümçisi Sebastýen Allerden (11) öňe geçdi. Üçünji orny “Liwerpulyň” hüjümçisi Mohammed Salah (8) eýeledi.
Lewandowski 23-nji minuta çenli 3 gol saldy. Şunuň netijesinde hüjümçi Çempionlar ligasynyň taryhynda iň irki het-trikiň awtory boldy. Ol 1996-njy ýylda oýnuň ilkinji 24 minutynda “Rusenborga” garşy üç gol geçiren “Milanyň” hüjümçisi Marko Simoneniň üstünliginden geçmegi başardy.
