Bahreýn ýurda gelýän ýolagçylar üçin PZR-barlagyny tabşyrmak we karantin geçmek zerurlygyny ýatyrýar. Bu çäklendirmeler 20-nji fewraldan aýrylýar diýlip, Bahreýn patyşalygynyň Syýahatçylyk edarasynyň habarynda aýdylýar.
“20-nji fewraldan sanjym ýagdaýyna garamazdan, Bahreýne gelýän ähli ýolagçylar PZR-barlagyndan we karantinden geçmekden boşadylýar” – diýip, edaranyň metbugat gullugy habar berýär.
Ol ýerde mundan öň Bahreýnde ýurda geleniňden soň bäşinji we onunjy günde hökmany geçmeli bolan koronawirus ýokanjy üçin PZR-barlagynyň ýatyrylandygy bellenilýär.
“Syýahatçylar adalarda erkin hereket edip, syýahatçylyk ýerlerine baryp bilýärler, ýöne COVID-19-yň ýaýramagynyň öňüni almak üçin ähli zerur bolan sanitariýa-epidemiologiki çäreleri berjaý etmek, ýagny köpçülik ýerlerinde sosial araçägi saklamak, örtük dakynmak we elleri ýygy-ýygydan ýuwmak maslahat berilýär” – diýlip, habarda aýdylýar.
